Færsluflokkur: Bloggar

Er kannski verið að hengja bakara fyrir smið.....???

Afskaplega er þetta léleg fréttamennska þar sem algjörlega hefur gleymst að spyrja bakarann hversu oft fólk hefur smitast af salmonellu eða annarri óværu vegna notkunar á íslenskum rjóma í bakaríinu hans...  Þetta lítur út fyrir að vera bara enn ein tilhæfulausa árasin á íslenskan landbúnað þar sem ég á ekki von á að nokkurntíman hafi þessi bakari fengið salmonellu í íslenskum rjóma.  Hinsvegar má leiða að því líkum að slíkt sé í einhverjum mæli að gerast erlendis fyrst menn þar á bæ hafa sé ástæðu til að þróa og bjóða upp á sérstaklega salmonellufrían rjóma.  Þvílíkt bull..........


mbl.is Flytja inn rjómann í bollurnar
Tilkynna um óviðeigandi tengingu við frétt

Röng fullyrðing í frétt Morgunblaðsins.

Það er nú lágmark að hafa staðreyndir á hreinu þegar verið er að skrifa greinar i blöð.  Ekki veit ég hvort viðkomandi prófessor er svona illa gefinn og rétt eftir henni haft.  Heldur hallast ég að því að um sé að kenna illa gefnum blaðamanni sem ekki er vandur að virðingu sinni eða að risastór mistök hafi verið gerð af hans hálfu (frekar en að um vísvitandi blekkingu sé að ræða).

Skrifað er að 30% flatur skattur hafi verið "tekinn af öllu íslensku grænmeti".  Það er eins langt frá sannleikanum og mögulegt er.  Það voru felldir niður tollar á ýmsu innfluttu grænmeti og lækkaðir á öðru, en á móti fengu íslenskir grænmetisbændur greiðslur frá íslenska ríkinu og er svo enn í dag.  

"

Skatt­breyt­ing áhrif á neyslu græn­met­is
Hún er hlynnt því að nota skatt til að hafa áhrif á neyslu og vís­ar til áhrifa­ríkra skatt­breyt­inga á græn­meti árið 2002 máli sínu til stuðnings. Það ár hafi um 30% flatur skatt­ur verið tek­inn af öllu græn­meti úr ís­lensk­um gróður­hús­um.

"


mbl.is Skattlagning áhrif á neyslu
Tilkynna um óviðeigandi tengingu við frétt

Óheiðarlegir "stjórnmálamenn"...

Það er hlálegt að við skulum vera í þeim sporum í dag að smákóngar skuli vera að véla um hvernig þeir best nái að þvinga óviljuga íslenska þjóð til inngöngu í Evrópusambandið, en eins og allir vita eru þrír flokkar á alþingi með það eitt á stefnuskrá að fara inn í það brennandi hús. Samfylkingin sem hvarf (næstum), Björt framtíð og nú síðast Viðreisn eru þessir flokkar, en þó verður að segjast að BF er líka með það á "mikilvæga" mál stefnuskránni að breyta klukkunni hér á landi til samræmis við ESB löndin ;-) Samfylkingarfólk er líklega með bestu samviskuna í þessum hópi þar sem það felur ekki raunverulegan tilgang flokksins um inngöngu í ESB, en það er ekki hægt að segja um nýjan flokk forríkra viðskiptamógúla, úr sér genginna stjórnmálamanna og kúlulánaþega. Þeir tala minnst um eina tilgang flokksins sem þeir skýrðu svo hlægilegu nafni "Viðreisn", en það er einmitt títtnefnd innganga í himnaríki ESB.
Þá eru síðustu fréttir um að BF og Viðreisn krefjist forsætisráðuneytisins fyrir hönd Benedikts í Viðreisn í senn sprenghlægilegar og fáránlegar. Þar fer maður sem talar fyrir einhverskonar nýrri nálgun í stjórnmálum, en á sama tíma lýgur hann blákalt að þjóðinni að hægt sé að fara í "könnunarviðræður" um inngöngu í ESB. Allir vita að þetta er lygi, en fullt af einföldu fólki trúir samt lyginni sem BF og Samfylkingin hafa líka margoft verið staðin að.
Þá er verulega vont mál að Katrín í VG skuli ekki hrista slyðruorðið af sínum flokki í ESB málum, en hún var sú eina sem svaraði ekki beinni spurningu um þau mál í sjónvarpsumræðum fyrir kosningar. Því er ekki hægt að reikna með öðru en að VG muni standa með í því að reyna að ljúga Ísland inn í ESB, ekki síst í ljósi stærstu pólitísku svika íslandssögunnar þegar fyrri formaður VG ásamt Katrínu og fleirum kúventi að loknum kosningum 2009 fyrir ráðherrastóla.
Fátt er um fína drætti á þessum síðustu og verstu. Alltof margir féllu í þá gryfju að sjá ekki að nýafstaðnar alþingiskosningar snérust í raun um aðild Íslands að Evrópusambandinu, en svo falskir voru pólitíkusarnir að þeim tókst að láta fólk halda að þær snérust um heilbrigðiskerfið, eldri borgara og öryrkja þessa lands.....

Ljótt er í efni


mbl.is Vilja Benedikt sem forsætisráðherra
Tilkynna um óviðeigandi tengingu við frétt

Alvarleg staða í íslenskum sauðfjárbúskap.

Ég var á fundi í gærkvöld í Ljósheimum. Þar fór Ágúst Andrésson sláturhússtjóri Kaupfélags Skagfirðinga yfir helstu ástæður verðfellingar fyrirtækisins á kindakjöti til bænda, það er að segja útgáfu kaupfélagsins á því. Hann hélt því fram að ástæðan væri eingöngu vegna útflutnings en innanlandsneyslan kæmi þessu máli á engan hátt við. Þarna er ég í grundvallaratriðum ÓSAMMÁLA sláturhússtjóranum. Innanlandsneyslan er 60% af framleiðslu kindakjöts í landinu og því ótækt að slá hana útaf borðinu í umræðum um ástæðu verðlækkunarinnar til bænda. Ég ætla hreint ekki að halda því fram að Ágúst fari með rangt mál um það sem hann sagði í framsögu sinni um útflutningsmál, það er hinsvegar það sem ekki var sagt (eða minna var talað um) sem á skilið meiri athygli. Á íslandi ríkir svokölluð fákeppni í verslun með matvörur. Þessi fákeppni hér á landi er í boði og undir verndarvæng Samkeppniseftirlitsins íslenska þar sem þeir leyfa henni að viðgangast og í raun hleyptu þessu í gang á sínum tíma. Ég vil reyndar frekar kalla þetta einokunarverslun, enda stórlega í ætt við það sem áður hefur gerst hér á landi þar sem dönsku einokunarkaupmennirnir greiddu það sem þeim sýndist fyrir vörurnar verandi í aðstöðu til þess.
Nú er svo komið og hefur reyndar verið í einhver ár, að sláturleyfishafar þora ekki að fara fram á að einokunarkaupmenn greiði sannanlegan framleiðslukostnað fyrir kindakjöt, þeir gætu jú neitað að versla hjá þeim og snúið sér annað. Þetta er að mínu mati aðal ástæðan fyrir því að sláturleyfishafar koma svona fram við sauðfjárbændur. Svo virðist sem Samkeppniseftirlitið sé ekki að vinna vinnuna sína því þvermóðska og græðgi íslenskra einokunarkaupmanna stefnir í að rústa íslenskum sauðfjárbúskap og um leið dreifðum byggðum landsins. Þetta virðist allt með ráðum gert því ekkert má standa í vegi fyrir enn meiri hagnaði kaupmanna þótt þeir séu nú þegar með margfaldan hagnað miðað við kaupmenn á meginlandi Evrópu og í Bandaríkjunum.
Hvað er til ráða? Íslenskir þingmenn virðast ekki vera með á nótunum, allavega heyrist álíka lítið í þeim þessa dagana og í forsvarsmönnum einokunarkaupmanna (sem annars eru daglega í fjölmiðlum að ljúga að landsmönnum).
Ef fólk hefur einhvern snefil af áhuga á að vita hvernig þessi ósanngjarna lækkun til bænda lítur út hjá þeim, þá er það einhvernvegin svona:
Búið er að greiða kostnaðinn við framleiðslu þessa árs og verður svo aftur að ári, enda kostnaðurinn fastur að miklu leyti. Rekstur allur á vélum, tækjum, húsum sem og viðhald er eitthvað sem ekki er hægt að komast hjá að greiða. Hvar eiga bændur þá að taka þessa peninga til að greiða sláturleyfishöfum? Það er af þeim litlu launum sem þeir hafa greitt sér og eins og fram hefur komið getur lækkunin þýtt ALLT AÐ 30% launalækkun !!! Þá skulum við ekki gleyma því að sagt hefur verið frá því að almennar launahækkanir hafi undanfarið verið yfir 20%, svona rétt til samanburðar.

Ábyrgð einokunarkaupmanna Íslands er mikil !

Ábyrgð forstjóra Samkeppniseftirlitsins er mikil !

Ábyrgð alþingismanna er mikil !

Ábyrgð ráðherra er mikil !

Hvenær skyldi einhver ofangreindra aðila vakna af sínum Þyrnirósarsvefni, sjá eyðilegginguna sem blasir við í íslenskum sauðfjárbúskap, girða upp um sig brækurnar og fara að gera eitthvað vitrænt í málinu.........

 

Ég held að menn ættu að gefa sér tíma til að lesa neðangreinda skýrslu um matvöruverð á Íslandi, allavega þeir sem vilja vita hvað er í gangi.

Góðar stundir.


Nhttp://www.bondi.is/lisalib/getfile.aspx?itemid=7467


Byggðastefna Sjálfstæðisflokksins???

Þann 1.september á því herrans ári 2015 eftir Krists burð ákvað ráðherra byggðamála og varaformaður Sjálfstæðisflokksins, frú Ólöf Nordal, að auka enn á mismunun eftir búsetu hér á landi með því að skrifa upp á reglugerð um breytingu á reglugerð um alþjónustu og framkvæmd póstþjónustu nr. 364/2003.

Breytingin hefur nú orðið til þess að minnka póstþjónustu við fólk og fyrirtæki í dreifbýli landsins enn og aftur, en Íslandspóstur hafði áður lokað fjölmörgum póstafgreiðslustöðvum með blessun Póst- og fjarskiptastofnunar.

Með þessu rekur varaformaður Sjálfstæðisflokksins enn einn naglann í líkkistu dreifbýlis á Íslandi í nafni frelsis og gróðasjónarmiða.

Finnst ÞÉR eðlilegt að Íslenska ríkið (og Sjálfstæðisflokkurinn) stuðli að sífellt aukinni mismunun þegnanna eftir búsetu þeirra???


Hún gæti flutt til Saudi Arabíu til að komast í skattaskjól...

Ef það er svona mikið mál að borga virðisaukaskatt af dömubindum, þá skilst mér að draumaland þessarar stúlku gæti verið Saudi Arabía þar sem fólk borgar enga skatta (að sögn).  Annars er varla merkilegra að borga virðisaukaskatt á þessar vörur en til að mynda af matvörum.  En atkvæðaveiðar popúlískra stjórnmálamanna og kvenna ríður ekki við einteyming...


mbl.is 65.500 í skatt fyrir að vera á túr
Tilkynna um óviðeigandi tengingu við frétt

Kjánar í blaðamannastétt???

Þessi skrif bera kjánaskap blaðamanns greinileg merki þar sem hann virðist skrifa "fréttina" til þess að fá fyrirframgefna niðurstöðu.  Semsagt að íslenskur landbúnaður sé ómögulegur.  Mér finnst blaðamenn ekki eiga að hafa rétt til dylgja um hluti án þess að kynna sér allar hliðar mála sbr. fullyrðinguna um dýrar kjötvörur hérlendis og önnur um eitthvað sem "einhverjir" sérfræðingar hafi verið að hugsa.  Þá er samanburður við tollamál Asíuríkja í hæsta máta sérkennilegur.  Nær væri að sjá hvernig til að mynda ESB ver sinn landbúnað með tollum líkt og svo gott sem öll lönd í heiminum gera...

Einkunn í blaðamennsku fyrir greinina getur ekki orðið hærri en NÚLL ...


mbl.is Íslenska krónan allt of hátt skráð
Tilkynna um óviðeigandi tengingu við frétt

Kjánaleg fullyrðing í fyrirsögn fréttar...

Það fer um mann kjánahrollur að lesa fyrirsögn fréttamanns mbl.is og ekki síður fullyrðingu Hagstofunnar í fyrirsögn sinni um rannsóknina sem er:  "Munur ráðstöfunartekna eftir menntun minnstur á Íslandi".

Hvaða tilgangi þjónar svona upphrópun um að háskólamenntun skili sér illa á Íslandi í samanburði við önnur lönd?  Getur verið að það sé hluti af launabaráttu?  Gott og vel, en það verður þá að krefjast þess að málin séu ekki "flækt í drasl" þannig að fáir nenni að kynna sér þau og enn færri skilji efni skýrslunnar.  Ég er einn þeirra sem nenni alls ekki að lesa þetta frá orði til orðs og hef sjálfsagt heldur ekki gáfur til að skilja innihaldið.  Þó reyndi ég t.a.m. að finna hvar fram kæmi vinnutíminn að baki tekjunum, en flestir vita að algengt er að fólk sem hefur lægri laun vinni lengri vinnudag til að ná endum saman.  Ef það er virkilega ekki tekið tillit til unninna vinnustunda að baki tekjunum þá gef ég ekki mikið fyrir þessa "rannsókn".  Svo tók ég eftir því að hagnaður af sölu hlutabréfa er undanskilinn í "lífskjararannsókninni" sem eykur nú ekki traustið á samanburðinum.  Hvorir eru líklegri til að hafa tekjur af sölu hlutabréfa, verkamenn eða háskólagengnir?  Við skulum líka reikna með að háskólamenntaðir einstaklingar hafi barið saman útfærsluna á rannsókninni...  Hafa þeir ekkert betra að gera en að búa til og bera á torg svona BULL !!!


mbl.is Menntun hefur minnstu áhrifin á Íslandi
Tilkynna um óviðeigandi tengingu við frétt

USA varpa sprengjum á Írland ;-)

Samkvæmt fréttinni er bandaríski flugherinn að varpa sprengjum á Írland...  Hvað skyldu nú bretar segja við því ;-)


mbl.is Stríðið kostar milljarð dag hvern
Tilkynna um óviðeigandi tengingu við frétt

Sorglegt yfirlæti íslenskra...

Það er þyngra en tárum taki að listamannaelíta á vegum íslenskra stjórnvalda skuli tala niður til yfirvalda í Feneyjum í okkar nafni og gera þeim upp skoðanir og fordóma sem þeir eiga ekkert með!!!


mbl.is „Sorgleg niðurstaða“
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband