Notar blaðamenn mbl.is Google þýðingarvélina við fréttaskrif???

Hvað er eiginlega í gangi hjá mbl.is?  Er búið að reka prófarkalesarana í sparnaðarskyni og farið að láta Google þýðingarvélina um málin?  

"Báturinn gjörskemmdist og sökk til hafsbotnar".  Á þetta að vera fyndið?  "Gjörskemmdist" og "til hafsbotnar", muuhahahaha.......  Hefði betur verið "gjöreyðilagðist" og "til hafsbotns".

"og ekkert að fara af límingunum." Síðast þegar ég vissi hét það "að fara á límingunum".

 Ég sting upp á að sá sem skrifar grein á mbl.is setji nafnið sitt undir svo allir viti hver á skömmina.  Það yrði kannski til að hvetja menn til að vanda sig betur....

Góða daga. 

„Við vorum pollrólegir“

Ráðist á föðurbróður...

Nú hefur fréttamanni ekki þótt fréttaefnið nógu krassandi og fundið upp svona "skemmtilega" fyrirsögn.  Annars er það hið versta mál þegar fólk getur ekki haft hemil á skapi sínu, þ.e. ef atburðarásin var í raun svona.  Þetta er jú önnur hliðin á sögunni, ekki satt?  Á hinni hlið sögunnar gæti hugsast að "móðirin" hafi verið með ruddaskap og frekjutón í röddinni þegar hún fyrirskipaði fólkinu sem var að brjóta lög Jóns Gnarr að binda hundana.  Ekki það ég viti neitt um það, en þessi frétt er bara eitthvað svo ... einhliða og fordómafull.

 

Góðar stundir. 

Ráðist á móður á Klambratúni

Ódýr jarðaber fyrir Samtök verslunar og þjónustu...

Nú þyrftu aðilar innan samtaka verslunar og þjónustu að hafa hraðar hendur.  Tilvalið fyrir þá að kaupa jarðaberin þar sem engin laun eru borguð við að týna þau ;-)

Skotið á fólk sem krafðist launa

Ekki er betri músin sem læðist !!!

Hver var það sem tók fyrstu skóflustungu að nýju húsi íslenskra fræða á dögunum sem áætlað er að muni kosta 3,7 milljarða að klára?  Í hvaða kjördæmi skyldi það hafa verið og í hvaða kjördæmi skyldi nú hún Katrín fara fram? Hver var nýlega að setja 500 milljónir í náttúruminjasýningu í Perlunni? Það skyldi þó ekki vera að næsta ríkisstjórn þurfi að reiða fram þessa fjármuni? Svo er þægilegt fyrir nýja formanninn að hafa gamlan aflóga og útbrunninn fyrrverandi formann til þess að sjá um öll formlegu kosningaloforðin og ekki sakar að hafa varaformann sem er nógu vitgrannur til að beina spjótum að sjálfum sér með sínum stórkarlalegum yfirlýsingum í ætt við sjóara sem heldur að sá sem hefur hæst skili mestri vinnu.

Það er hverjum manni ljóst sem hefur til að bera heilbrigða skynsemi að fyrirsögn þessarar fréttar er BULL og eingöngu hluti af baráttuaðferð Katrínar.  Ekki er betri músin sem læðist... 

Engin risaloforð

Fimmtán stjörnu fangelsi...

Ég sting upp á því að setja fangelsið á byggingarreitinn hjá Hörpunni þar sem hótelið átti að vera.  Það verður hvort eð er í sama "glamour" stílnum og hótelið hefði eflaust verið byggt.  Þá verður líka styttra í öll aðföng fyrir fangelsið og fangarnir geta skroppið á tónleika í næsta húsi.

Byggingu fangelsis lokið 2015

Katrín og samverkamenn hennar eru ekki með öllum mjalla !!!

Það er alveg með ólíkindum að ríkisstjórn sem búin er að svo gott sem gjöreyða heilbrigðiskerfinu í landinu skuli voga sér að henda fleiri þúsundum milljóna í steinsteypu vegna "menningar-/menntamála".  Þess utan er þögnin í bloggheimum ærandi yfir þessari frétt.  Hvað er eiginlega á seyði?

Katrín tók fyrstu skóflustunguna

Hvaða dýraeigendum er illa við dýr?

Maður skyldi ætla að þeir sem eru umráðamenn dýra væru flestir dýravinir.  Hinir dýraeigendurnir sem er sama um heilsu og velferð dýranna tala um svokölluð gæludýravegabréf sem eru jafnmarktæk og innihaldslýsing matvöru frá evrópsku stórfyrirtæki að nafni Findus.  Ég er sannfærður um að flestir í þessum fámenna hópi hunda- og kattaeigenda sem fara fram á að hætta einangrun dýra við komuna til landsins eru fyrst og fremst að hugsa um að komast skrefi nær inngöngu í ESB.  Allavega greinilegt að velferð dýranna skiptir þá engu máli.  Og að bera fyrir sig fötluðu fólki í þessu máli er fyrirfram úr myndinni því auðvitað er dýravelferð allra dýra á Íslandi rétthærri.

Eigendur gæludýra vilja að slakað verði á einangrun

Snobb framar heilbrigðisstéttum...

Það vantar ekki aurana í snobbverkefnin.  Eigum við ekki bara að leggja niður heilbrigðiskerfið svo við getum reist fleiri mennta-/menningarhallir til að uppfylla snobbþarfir örfárra einstaklinga í elítunni?

Tvær byggingar rísa á háskólasvæðinu

Ekki von á aðstoð frá umhverfisráðherra...

Því miður er ekki hægt að reikna með því að umhverfisráðherra lyfti litla fingri til aðstoðar fuglunum í Kolgrafarfirði.  Enda um einn almesta fuglamorðingja íslandssögunnar að ræða.  Fáir einstaklingar á Íslandi hata að líkindum rjúpur og mófugla meira en ráðherrann sem brýst út í kerfisbundinni útrýmingarherferð á þessum "lyngvörgum"með tilraunum til alfriðunar tófunnar.

Fylgjast með fuglalífi í Kolgrafafirði