Dagur deilir fasteignagjöldum af Hörpunni með nágrönnum.

Dagur skælir hátt yfir því að þurfa að borga lítinn hluta kostnaðar við starfsemi Sinfóníuhljómsveitar Íslands en minnist ekki á hvað borgin fær í staðinn.  Hún fær himinhá fasteignagjöld af Hörpunni sem svo merkilega vill til að er staðsett í Reykjavík.  Hún hefur margþættan annan hagnað af Sinfó, s.s. útsvar starfsmanna sem búa væntanlega flestir í Reykjavík og afleiddan hagnað af komu fólks úr öðrum sveitarfélögum til að hlusta á Sinfó.  Sennilega ætti borgin að borga stærri hlut í rekstrinum en verið hefur fram að þessu, nema hún sé að fara að deila fasteignagjöldunum og fleiru með nágrönnum sínum...

Vill fleiri sveitarfélög að borðinu

Eru íslenskir fréttamenn hryggleysingjar?

Hvernig í ósköpunum stendur á því að íslenskir fréttamenn taka ekki stjórnarandstöðuforingjana sem standa fyrir þessari þingsályktunartillögu á teppið og spyrja þá gagnrýninna spurninga?  Af hverju hafa til dæmis félagarnir í Kastljósi ekki tekið þetta fólk á beinið og krafist svara á því hvernig hægt eigi að vera að halda áfram aðlögunarviðræðum sem ESB stöðvaði sjálft?  Hvað þetta fólk vilji gera við fyrirvara alþingis sem fylgdu aðildarumsókninni sem þ.á.m. var ætlað að vernda sjávarútveg, landbúnað og hreina orku Íslands fyrir yfirtöku og/eða eyðileggingu erlendra peningaafla?  Það er fáránleiki Íslands í dag að allflestir fréttamenn hér á landi virðast vilja ganga í ESB og eru óhræddir við að beita sér fyrir því með því að misnota þá miðla sem þeir starfa á, hugsanlega í samstarfi við eigendur í einhverjum tilfellum.  En það er kannski ekki skrítið því eflaust hafa margir þeirra legið í vellystingum í "kynningarferðum" (öðru nafni mútuferðum) úti í Brussel.

Fleiri umsagnir með þjóðaratkvæði

Fryst kjöt er ekki síður ferskt en ófrosið.

Það er hvimleitt að lesa alla daga um það að ekkert ferskt kjöt sé til í búðum.  Það er af og frá að eina kjötið sem kallist ferskt sé það sem aldrei hefur verið fryst.  Kjöt er einmitt fryst til að halda því fersku.  Nær væri að kaupmenn segðu frá því að ekkert ófrosið kjöt væri lengur til hjá þeim.

Tómlegt um að litast í kjöthillum

Þétting byggðar.

Nú er lag fyrir borgarstjórabjálfan að þétta byggð á vegkantinum þarna og reisa nokkur háhýsi.  Þannig slær hann tvær flugur í fimm höggum og íþróttafélagið getur hengt auglýsingar á nýju kofana.

Borgin búin að kæra

Þessi úthlutun ætti að flokkast sem brot á jafnréttislögum ;-)

Múhahahahahahaaaaaa........ :-)

Þeir eru fljótir að gleyma í þessu ráði og veita Jóhönnu jafnréttisviðurkenningu eftir að hafa brotið "gegn ákvæðum laga um jafna stöðu og jafnan rétt karla og kvenna".....

http://www.mbl.is/greinasafn/grein/1372106/

15 hlutu jafnréttisviðurkenningu

Hrunhagfræðingurinn Ásgeir Jónsson...

Hver tekur mark á því þegar þessi maður reynir að krafsa yfir skítinn úr sjálfum sér.  Hann gerir lítið úr þeim risavaxna vanda sem var og er enn, að einkabankar fái að "búa til" peninga úr engu.  Vanda sem var í raun aðalástæða þess að hér fór allt á hausinn...  Það hefði verið viturlega fyrir þennan fyrrum aðalhagfræðing Kaupþings og síðar Arion banka að halda sig til hlés þar sem hann hlýtur að bera talsverða ábyrgð á því hvernig fór!!!

Engar smávegis rjúpur á veiðislóð Ásgeirs Jónssonar.....

Eins og að nota fallbyssu á rjúpu

Marktæk "rannsókn" ???

Ef rannsóknin byggist eingöngu á fyrirspurnum til þeirra sem taka eða taka ekki þessi fæðingarorlof er lítið að marka hana.  Það væri svipað og að gera rannsókn á skattaundanskotum og nota eingöngu fyrirspurnir til að komast að niðurstöðu.  Það vita allir sem það vilja að mjög mikið hefur verið um að feður sem taka fæðingarorlof eru mikið í "svörtu vinnunni", að byggja fyrir fjölskylduna eða annað sem þeir hafa lítinn tíma í þegar þeir eru í fullri vinnu...  En þá má auðvitað líta þannig á að fæðingarorlof feðra nýtist vel fyrir barnafjölskyldur til að auka tekjur sínar

Feðraorlofið virkar

Aukning á fjölda lesenda í dreifbýli ;-)

Ný yfirstjórn hjá DV er alveg með þetta...  Nú á aldeilis að auka lesendafjöldann í dreifbýli ;-)

Einar Kárason ráðinn á DV

Fáránlegt.... en satt...

Það er fáránlegt en satt að íslenskt þjóðfélag skuli vera orðið eins og Eva lýsir, það er að fólk sé sjálfkrafa fordæmt og uppnefnt ef það hefur ekki sömu skoðanir og þeir sem stjórna og hafa bestan aðgang að fjölmiðlum...

Segir dólgafemínisma ekki vinsælan

Við hverjum er að búast???

Eftir nánast algjöran niðurskurð á viðhaldsfé til malarvega úti á landi eftir hrunið bætti innanríkisráðherra um betur og tók hundruði milljóna í viðbót af því litla sem eftir var til að kaupa frið frá hávaðasömum ferðaþjónustuaðilum og fjölmiðlum.  Peninginn setti ráðherrann í Kjalveg fyrir ferðamannaiðnaðinn og skítt með skrílinn í sveitunum...

„Þetta er ekki fólki bjóðandi“