Við hverjum er að búast???

Eftir nánast algjöran niðurskurð á viðhaldsfé til malarvega úti á landi eftir hrunið bætti innanríkisráðherra um betur og tók hundruði milljóna í viðbót af því litla sem eftir var til að kaupa frið frá hávaðasömum ferðaþjónustuaðilum og fjölmiðlum.  Peninginn setti ráðherrann í Kjalveg fyrir ferðamannaiðnaðinn og skítt með skrílinn í sveitunum...
mbl.is „Þetta er ekki fólki bjóðandi“
Tilkynna um óviðeigandi tengingu við frétt

Öfgaumhverfisverndarsinnar í Umhverfisstofnun ???

Í mörg undanfarin ár hefur verið við um stórfjölgun töfunnar hér á landi og eru það líkast til eingöngu háskólagengnir "sérfræðingar", einfeldningar og friðunarsinnar í Umhverfisstofnun sem halda að rannsaka þurfi betur hversu margir refirnir eru.  Hvort það eru "sérfræðingarnir", einfeldningarnir eða friðunarsinnarnir sem ráða þessari ákvörðun um óbreytt veiðiálag meðan verið er að komast að niðurstöðu um fjölgun refa fer eftir því hvaða sjónarmið hefur orðið ofan á hjá stofnuninni.  Ef "sérfræðingarnir" réðu ferðinni voru það peningasjónarmið sem urðu ofan á, þ.e. meira af peningum í "rannsóknarhítina".  Ef einfeldningarnir innan stofnunarinnar náðu yfirhöndinni er heimskan allsráðandi  þar sem einfeldningar eiga erfitt með að gera sér grein fyrir afleiðingunum af heimskulegum ákvörðunum, eins og til dæmis skelfileg áhrif á mófuglalíf í landinu.  Verst er þó ef "friðunarsinnarnir" sem starfa innan Umhverfisstofnunarinnar og eru væntanlega þar á ábyrgð síðasta Umhverfisráðherra réðu ferðinni við þessa ákvörðun um óbreytt veiðiálag.  Þeim er nefnilega alveg sama hvaða afleiðingar þeirra gjörðir hafa á dýralífið í landinu.  Öfgaumhverfisverndarsinnar hlusta nefnilega aldrei á rök og hjá þeim helgar tilgangurinn meðalið...  Tófuna skal vernda .... Skítt með allt afleiðingarnar !!!
mbl.is Unnið að samningum um refaveiðar
Tilkynna um óviðeigandi tengingu við frétt

Algjörlega óþolandi og óvönduð fréttamennska!!!

Það er óþolandi orðið að lesa margar fréttir núorðið.  Algegnt er að fréttamenn api upp "fréttir" eftir einhverjum aðilum og hnýti svo sínum eigin athugasemdum og fullyrðingum með og aftan við.  Það er oft engin tilraun gerð til að annaðhvort kanna sannleiksgildi fréttarinnar og/eða viðbætur fréttamanns eru bara alrangar og alls ekki í samræmi við það sem heimildarmaður sagði.  Nú vill svo til að Ísland skiptist upp í fleiri landshluta en suðurland, norðurland og austurland og hér á norðvesturlandi (nánar tiltekið í Skagafirði) hefur rignt flesta daga síðan í júní og skúrirnir eru oftar en ekki algjört skýfall.  Hér hafa bændur ekki getað heyjað nánast neitt á þessum tíma og þeir sem hafa reynt það hafa flestir tekið heyið ýmist hrátt, hundrennandi upp úr pollum og/eða handónýtt eftir margra daga eða vikna dvöl í pollunum.

Þessari setningu í lok "fréttarinnar" reikna ég með að fréttamaður hafi skellt inn sjálfur: "Þá fær Norður- og Aust­ur­land að kenna á rign­ing­unni sem hef­ur plagað Suður­land."  Megi hann hafa skömm fyrir slíka ruglyfirlýsingu (eða heimildarmaður hans ef þetta er frá honum komið).


mbl.is Búist við breytingum á veðrinu
Tilkynna um óviðeigandi tengingu við frétt

Heimskra manna ráð...

Það er magnað hvernig hlutirnir endurtaka sig í sífellu.  Þetta er ekki í fyrsta og væntanlega ekki í síðasta skiptið sem farið er í gríðarlega offjárfestingu í þröngum afmörkuðum geira hér á landi.  Þetta verður svo til þess að opna æð á öllum þeim fjölmörgu sem fyrir voru í greininni og svo kemur bara í ljós hverjum þeirra blæðir út fyrst og hversu margir lifa af.  En eitt er víst að það verður íslenskur almenningur sem borgar brúsann ásamt/með þeim sem verið hafa lengi í gistibransanum.
mbl.is Hótelherbergin voru 706 - verða 4.664
Tilkynna um óviðeigandi tengingu við frétt

Viðhald...

Það hefur lítið að segja að ætla sér að fara í viðgerðir á "næstu árum" á stórskemmdum vegum um allt land fyrir þá sem eru nú þegar að aka eftir ónýtum vegum eftir sparnað undanfarinna ára.  Hanna Birna bætti svo um betur í vor að sögn vegagerðarmanna með því að taka tugi eða hundruði milljóna af fjársveltum viðhaldssjóðum til að kaupa sér frið fyrir fjölmiðlaumfjöllun um vondan ferðamannaveg um Kjöl.  Sveitavegir sem vegagerðin á og ber ábyrgð á hafa margir hverjir ekkert viðhald fengið í langan tíma og litlar og stórar holur ásamt moldarpyttum þar sem burðarlagið er farið eru að verða algeng sjón með tilheyrandi skemmdum á bílum og hættu á slysum.  Ég bíð hér með Vegamálastjóranum og Hönnu Birnu í kaffisopa við fyrsta tækifæri svo þau geti kynnt sér hvaða afleiðingar "ekkert" viðhald hefur á malarvegi.  Ég bendi þeim á að aka varlega svo þau lendi ekki utanvegar á leiðinni til mín og best færi á því að koma ekki á fólksbíl svo pústkerfið verði ekki eftir einhversstaðar á leiðinni.
mbl.is Vegakerfið fari í forgang
Tilkynna um óviðeigandi tengingu við frétt

Skrítin setning hjá formanni Umhverfis- og skipulagsráðs...

Er formaðurinn að meina að byggingin hafi ekki haft tilskilin leyfi frá Reykjavíkurborg áður en byrjað var að byggja eða er þetta bara svona heimskulega orðað "telja sig vera í fullum rétti" ?
mbl.is Sjá sér ekki fært að færa turninn
Tilkynna um óviðeigandi tengingu við frétt

Græða á tá og fingri ... meðhag almennings í huga.

Magnað hvernig þeim hjá Högum tekst sífellt að gabba fjölmiðlamenn til að birta "jákvæðar fréttir" um hversu mikið þeir bera hag almennings fyrir brjósti, en svo koma af og til fréttir um mikinn hagnað fyrirtækisins án þess að vekja eftirtekt og umræðu sömu fjölmiðlamanna.  Er álagning verslunarkeðjunnar ekki einfaldlega of mikil???
mbl.is Hagnaður Haga 939 milljónir
Tilkynna um óviðeigandi tengingu við frétt

Ungur blaðamaður mbl.is ber sín persónulegu áhugamál á borð fyrir skrílinn...

Ég hélt að ritstjórn mbl.is væri vandari að virðingu sinni en að leyfa ungum blaðamanni sínum að skrifa og birta stóra grein um sín persónulegu hugðarmál án þess svo mikið sem að gera tilraun til að skoða málið frá fleiri sjónarhornum.  Það þarf enginn að efast um að algjör niðurfelling tolla og vörugjalda hér á landi er drengnum mjög að skapi enda hefur hann áður skrifað um það einhliða grein án þess að skoða aðrar hliðar og/eða velta fyrir sér afleiðingum af slíku, fyrir utan þá staðreynd að erfitt yrði að finna annað land á þessum hnetti sem státaði af algjöru tolla- og vörugjaldaleysi...

Hér er tengill á fyrri bernskubrek unga piltsins:   http://kij.blog.is/blog/kij/entry/1290735/


mbl.is Vilja afnema tolla og vörugjöld
Tilkynna um óviðeigandi tengingu við frétt

Já ... Einmitt ...

Ofurhagnaður, ofurlaun forkólfa og ofsagróði eigenda Haga koma beint úr vasa "viðskiptavina" félagsins sem þeir bera svo mikla umhyggju fyrir.  Viðskiptavinir félagsins voru (og eru enn að einhverju leyti) allur almenningur, en ekki einungis launamenn í þéttbýlinu.  Bændur og þær þúsundir manna sem vinna við störf sem eru afleidd af íslenskum landbúnaði eru líka viðskiptavinir Haga og bændur reyndar bæði sem kaupendur og seljendur.  Ef og þá þegar Finnur og félagar verða búnir að fá óskir sínar uppfylltar um óheftan innflutning landbúnaðarvara (og þar með verður Ísland eina landið í heiminum í þeirri stöðu) verður annaðtveggja að finna/búa til ný störf fyrir fleiri  þúsundir bænda og annarra eða hækka tryggingagjaldið hjá Högum og öðrum fyrirtækjum um verulega marga milljarða til þess að hægt verði að greiða þessu fólki atvinnuleysisbætur.  Á sama tíma væri búið að flytja úr landi hluta þess virðisauka sem framleiðsla landbúnaðarvara gefur af sér hér á landi, en auðvitað yrði hluti hans eftir í vasa verslunarmanna eins þeim hjá Högum vegna hækkaðrar álagningar sem þeir myndu eflaust standa fyrir "ef" þeir næðu einhversstaðar í ódýrari landbúnaðarvörur en framleiddar eru hér.  Það er eflaust hægt að finna slíkt í austurevrópulöndum svona fyrst um sinn, á meðan lágmarkslaunin þar eru brot af því sem hér viðgengst.
  Ég hef ekki verið sérstakur talsmaður þess að afnema frjálsa álagningu hér á landi, en þegar verslunarmenn eins og Finnur og félagar ljúga því ítrekað að þeir séu aðeins að hugsa um hag neytenda/viðskiptavina þegar þeirra aðalmarkmið er að græða sem mest fyrir sem minnst, þá verður maður hugsi yfir ástandinu.  Ég get bara ekki séð að verslunarmönnum og um leið þeim sem halda í strengina sem verslunarmenn hanga í (öðru nafni bankamenn) sé lengur treystandi fyrir því að ákveða sjálfir álagningarprósentuna....  Er ekki kominn tími til að sverfa svolítið af vígtönnunum á sjálftökuliðinu með því að taka af þeim þennan rétt?  Og.. Þótt Finnur segi að álagning Haga liggi fyrir fjórum sinnum á ári, þá hef ég hvergi séð neitt um það.  Þeir mættu alveg merkja allar matvörur með álagningarprósentunni, en þá yrði líka að koma fram hversu mikið skyldir/tengdir aðilar leggja á vöruna í millitíðinni.

mbl.is Hagar orðið fyrir grófum aðdróttunum
Tilkynna um óviðeigandi tengingu við frétt

Fullyrðingin er algjörlega fáránleg !!!

Það er með ólíkindum að fjölmiðlar landsins taki undir svona ruglyfirlýsingar, t.a.m. með því að skella svona bulli í fyrirsögn.  Ég held að menn ættu frekar að ræða við sérfræðinga okkar í fíkniefna og áfengisvandamálum en að flytja hér inn gamla dópista sem þessvegna gætu átt hagsmuna að gæta í sölu allskyns efna.  Einstefnan í þessari umræðu hjá fjölmiðlum er afar einkennileg.  Birtar eru "fréttir" af því að það sé fínt og gott að dópa algjörlega án nokkurra faglegra raka frá læknum og öðrum með sérfræðiþekkingu á þessum málum.  Það er nefnilega alls ekki næg ástæða fyrir lögleiðingu dóps að það sé handfylli af gömlum hasshausum á Alþingi Íslendinga sem halda að í lagi sé að synda uppdópaðir í gegnum háskólanám vegna þess að þeir gerðu það sjálfir og það þótt þeir telji sjálfir að þeir hafi sloppið óskaddaðir í gegnum það.
mbl.is Flestir nota vímuefni skynsamlega
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband